Россия Украинани тиклаш учун музлатиб қўйилган 300 миллиард долларлик Россия активларидан фойдаланишга рози бўлиши мумкин, аммо маблағнинг бир қисми ўзи эгаллаб олган ҳудудларга сарфланишини талаб қилади.
Бу ҳақда Reuters учта манбага асосланиб хабар бермоқда.
Агентлик суҳбатдошларининг айтишича, бу ғоя ҳозирча дастлабки босқичда. У Саудия Арабистонидаги Россия-АҚШ музокараларида муҳокама қилинган ёки қилинмагани номаълум.
Москвадаги муҳокамалардан хабардор манбалардан бири айтишича, Россия музлатилган маблағларнинг учдан икки қисми тинчлик келишуви доирасида Украинани тиклашга, қолган қисми эса Россия қўшинлари босиб олган ҳудудларни тиклашга сарфланишига рози бўлиши мумкин. Реутерсънинг икки суҳбатдоши таъкидлашича, келажакда қайта тиклаш бўйича шартномаларни қайси компаниялар олиши масаласи ҳамон муҳим бўлиб қолмоқда.
Агентликнинг Кремлга яқин, бироқ музокараларда бевосита иштирок этмаётган суҳбатдоши маълум қилишича, Россия санкцияларни босқичма-босқич юмшатиш доирасида барибир активларни муздан чиқаришни талаб қилишда давом этади.
2022 йилда Россия қўшинлари Украинага кенг кўламли босқин бошлаганидан сўнг, Ғарб мамлакатлари Россиянинг 300 миллиард доллардан ортиқ суверен активларини музлатиб қўйди. Маблағларнинг асосий қисми Европа депозитарийларида сақланмоқда. Украинанинг ғарбий иттифоқчилари уруш бошланганидан бери Россиянинг музлатилган маблағларини мусодара қилиш ва уларни Киевга ёрдам сифатида йўналтириш имкониятини муҳокама қилмоқда.
Америкаликлар Зеленскийга бир соат вақт берди
Ернинг ички ядроси 15 йилдан кейин тўхтайди — олимлар
Зеленский президентликдан кетиш шартини айтди
