Россия Молия вазирлиги 2022 йилда ялпи ички маҳсулот 12 фоизга қисқаришини кутмоқда. Бу ҳақда Bloomberg департаментнинг ички прогнозларига таяниб хабар берди. Бу 1994 йилдан бери энг катта иқтисодий таназзулдир.
Агар прогноз амалга ошса, ресессия иқтисодиётнинг қарийб 10 йил давомида ўсишини қоплайди. Россия Молия вазирлиги ва Иқтисодиёт вазирлиги агентлик сўровига жавоб бермаган.
Россия Марказий банки йил охиригача ЯИМ 8—10 фоизга тушишини кутмоқда. Регуляторнинг фикрича, чўққи тўртинчи чоракда бўлади ва у максимал 16,5 фоизга (минимал 12,5 фоиз) етади.
«Ведомости»нинг хабар беришича, Россия Иқтисодиёт вазирлиги ялпи ички маҳсулот асосий ҳолатда 8,8 фоизга, консерватив сценарийда эса 12,4 фоизга тушишини кутмоқда.
Россия Ҳисоб палатаси раиси Алексей Кудрин қисқаришнинг расмий прогнози 10 фоиздан ортиқ бўлишини маълум қилди.
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
ЕЧЛ. Ярим финал. "Бавария" "Реал" билан жанговар дуранг қайд этди
