Россия Кнессет томонидан қабул қилинган Исроил суверенитетини Иордан дарёсининг Ғарбий соҳилига узайтириш тўғрисидаги декларация амалга оширилмаслигини кутмоқда, чунки унинг амалга оширилиши Фаластин-Исроил можаросининг кескинлашувига олиб келади.
Бу ҳақда Россия ташқи ишлар вазирлиги хабар берди.
Вазирлик шунингдек, исроиллик парламентарийларнинг бундай қадами Москвада энг салбий тарзда қабул қилинишини қўшимча қилди. У моҳиятан Фаластин ҳудудларининг якуний мақоми бўйича музокаралар натижасини олдиндан белгилаб беради ва Исроил томонидан "Осло жараёни" доирасида ўз зиммасига олган мажбуриятларга, шунингдек, БМТ Бош Ассамблеяси ва Хавфсизлик Кенгашининг тегишли резолюциялари қоидаларига зид келади.
Россия томони бевосита Фаластин-Исроил музокараларини йўлга қўйиш вазифасини кўради, унинг мақсади Исроил билан тинчлик ва хавфсизликда бирга яшайдиган мустақил Фаластин давлатини яратиш бўлиши керак, бу Яқин Шарқдаги вазиятни барқарорлаштиришнинг асосий элементи ҳисобланади.
Эслатиб ўтамиз, 23 июль куни Исроил Кнессети (парламенти) Исроил суверенитетини Иордан дарёсининг Ғарбий соҳилидаги ҳудудга узайтириш тўғрисидаги декларацияни қабул қилган эди. Ҳужжат "суверенитетни – Исроил қонунчилиги, суд жараёнлари ва бошқарувини – Яҳудия, Самария ва Иордания водийсидаги барча хилма-хилликдаги яҳудийлар турар-жой зонасига имкон қадар тезроқ кенгайтириш" таклиф қилади.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
