Россия ҳудудида жанг қилаётган Украина кучлари деярли тўлиқ қуршаб олинган

Россия ҳудудида жанг қилаётган Украина кучлари деярли тўлиқ қуршаб олинган. Бу ҳақда Reuters хабар берди.

Агентликнинг хабар беришича, гап минглаб украиналик ҳарбийлар ҳақида кетмоқда.

"Бу Украина учун жиддий зарба бўлди, чунки Киев минтақадаги ҳарбий иштирокини Москва билан эҳтимолий тинчлик музокараларида босим воситаси сифатида ишлатишга умид қилган эди", деб ёзади Reuters.

Агентликнинг қайд этишича, сўнгги уч кун ичида Украина Қуролли кучларининг Курскдаги ҳолати кескин ёмонлашди, Россия кучлари ҳужум амалиёти доирасида муҳим ҳудудларни қайтариб олди. Бу эса Украина кучларини деярли иккига бўлиб, асосий қисмини таъминот йўлларидан узиб қўйди.

Аввалроқ Politico нашри Россиянинг Курск вилоятида олдинга силжиди Украинани қуршовга тушмаслик учун у ердан ўз қўшинларини олиб чиқиш ҳақида ўйлашга мажбур қилаётгани ҳақида хабар берган эди.