Россия Европа Иттифоқи декабр ойидан бошлаб воз кечадиган рус нефти хомашёси ҳажмининг қарийб ярми учун янги бозорларни топа олади

Россия Европа Иттифоқи декабр ойидан бошлаб воз кечадиган рус нефти хомашёси ҳажмининг қарийб ярми учун янги бозорларни топа олади, деб хабар берди Bloomberg Kpler таҳлилий компанияси маълумотларига таяниб.

Агентликнинг таъкидлашича, Индонезия, Покистон, Бразилия, Жанубий Африка, Шри-Ланка ва Яқин Шарқдаги баъзи давлатлар биргаликда келгуси қишда Россиядан кунига 1 миллион баррелгача нефт хомашёси сотиб олишлари мумкин. Шунингдек, бу йил қишда кунига 500 минг баррелгача Россия нефтини олиши мумкин бўлган Яқин Шарқ мамлакатлари илгари ушбу мамлакатлар ичида ишлатилган нефтни қайта экспорт учун йўналтиришлари мумкинлиги кўрсатилган.