Россия Қуролли кучлари Украинанинг Херсон чеккасида тинч аҳоли автобусини учувчисиз самолёт билан уриши оқибатида икки киши ҳалок бўлди, 16 киши яраланди.
Бу ҳақда Херсон вилояти давлат маъмурияти раҳбари Александр Прокудин Telegram’даги каналида маълум қилди.
"Одамлар иш билан кетаётган эди. Тўсатдан - портлаш содир бўлди. Россия қўшинлари Херсон чеккасида дрон билан автобусни атайлаб урди. Тахминан 50 ва 70 ёшли икки эркак ҳалок бўлди. Ҳозирда тегишли хизматлар қурбонларнинг шахсини аниқламоқда. Уларнинг оила аъзолари ва яқинларига ҳамдардлик билдираман", деб ёзди у.
Прокудиннинг сўзларига кўра, 16 киши, жумладан, 10 аёл ва 6 эркак яраланган.
Айни пайтда тез ёрдам бригадаси оғир яраланган бир кишини қўшни вилоятга эвакуация қилган. Шунингдек, ҳаётий аъзоларидан оғир жароҳат олган тўрт нафар йўловчи ҳозирда реанимацияда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
