Украинанинг Марганец шаҳрига Россия дрони зарбаси оқибатида 9 киши ҳалок бўлди, 30 киши жароҳатланди. Бу ҳақда Днепропетровск вилояти маъмурияти раҳбари Сергей Лисак хабар берди. Унинг сўзларига кўра, дрон корхона ишчилари кетаётган автобусга урилган.
23 апрелга ўтар кечаси Россия қуролли кучлари Днепропетровск вилоятининг Марганец шаҳрига дронлар билан ҳужум қилди, деди Лисак.
Аввалроқ, у Днепропетровск вилоятида тунда Россиянинг тўртта дрони уриб туширилгани, оқибатда икки киши яралангани ҳақида хабар берган эди.
23 апрелга ўтар кечаси Россия ҳарбийлари Украинанинг бир қанча ҳудудларига учувчисиз самолётлар билан ҳужум қилди. «Суспилне» маълумотларига кўра, Полтава вилоятига зарба берилган, дронлардан бири турар-жой биноси яқинига қулаган, уч киши жароҳатланган. Одесса вилоятида уй-жой биноларида ва корхонада ёнғин содир бўлди, икки киши жабрланди. Киев вилоятида дрон парчалари қулаши оқибатида Броварский туманидаги меҳмонхона ва ресторан мажмуасида ёнғин содир бўлди, ҳеч ким жабрланмади, деб хабар берди Украина фавқулодда вазиятлар давлат хизмати.
Россия томони ҳолат юзасидан ҳали изоҳ бермади.
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
Қодировнинг аҳволи жуда оғир: у ворис қидирмоқда
Ҳоким ўринбосари ўзини ёқиб юбордими?
