Рус қўшинлари Донетск вилоятидаги Константиновкани авиабомбалар билан бомбардимон қилди. Камида икки киши ҳалок бўлди, яна тўрт киши жароҳат олди, деб хабар бермоқда Украина оммавий ахборот воситалари.
Ҳужумлар натижасида беш қаватли уйнинг кириш қисмларидан бири буткул вайрон бўлди. Таъкидланишича, вайроналар остида яна одамлар қолган бўлиши мумкин.
Донетск вилояти ҳарбий маъмурияти раиси маълум қилишича, Константиновка бугун эрталаб кўплаб ҳаво ҳужумларига дучор бўлган. Дастлабки маълумотларга кўра, 10 та кўп қаватли уй, 21 та хусусий уй, 3 та саноат биноси, дўкон, 16 та гараж, 2 та электр узатиш линияси, 2 та газ қувури ва 9 та автомобиль шикастланган.
Эслатиб ўтамиз, Россия Қуролли Кучлари 20 февраль куни Донетск вилоятидаги Константиновкага 4 марта ҳаво ҳужуми уюштирди ва артиллериядан ўққа тутди. 4 нафар тинч аҳоли ҳалок бўлди, турар-жойлар, инфратузилма ва корхоналарга зарар етказилди.
Сув остида кўрилган энг улкан тирик мавжудот: У 34 метр узунликда ва Наполеон давридан бери яшаб келмоқда
Ернинг ички ядроси 15 йилдан кейин тўхтайди — олимлар
Зеленский президентликдан кетиш шартини айтди
