Россия давлат телевидениеси бошловчиси Москванинг Лондонни сув остида қолдиришини ваъда қилди

Россия давлат телевидениеси бошловчиси ва президент Владимир Путиннинг иттифоқчиси давлат телевидениесида Буюк Британияга хавфли огоҳлантириш берди.

Кремль томонидан қўллаб-қувватланадиган оммавий ахборот воситаларининг энг таниқли шахсларидан бири Владимир Соловёв Россия-1 каналидаги чиқишида Россиянинг Буюк Британияни сув остига чўктиришини таклиф қилди.

Буюк Британия урушда Украинага ҳарбий ёрдам кўрсатиш бўйича Европанинг етакчи давлатларидан бири ҳисобланади. Буюк Британия бош вазири Кей Стармер июль ойида лавозимини эгаллаганидан бери Киевга илк расмий ташрифини амалга оширди. У ерда Украина президенти Володимир Зеленский билан йиллик ҳарбий ёрдам учун "камида 3,6 миллиард АҚШ доллари" ажратишга келишиб олганликларини маълум қилди.

Риши Сунак Киевни "қанча вақт керак бўлса, шунча" қўллаб-қувватлашни давом эттиришга ваъда берган эди.

Соловёв асосан Россия томонидан босиб олинган ва ҳозирда шиддатли жанглар давом этаётган Украинанинг Донетск вилоятидан олиб келинган катта ҳарбий лавҳани кўрсатишдан бошлади.

У НАТО аъзо давлатлари Германия ва Францияга огоҳлантириш бериб, Россия яқин келажакда бу мамлакатларни босиб олишини таъкидлади.

Кремль тарғиботчиси сўзида давом этиб, Лондондан лавҳа ололмаслигини айтди, чунки у сув остида қолади ва у "ҳали сув ости спортини ўзлаштирмагани"ни қўшиб ўтди.

Кремль тарғиботчилари мунтазам равишда яқинлашиб келаётган жаҳон уруши ва Жо Байден маъмурияти ҳамда ҳарбий иттифоқ аъзолари томонидан Киевга кўрсатилаётган ёрдам ва қурол-яроғ учун Россиянинг НАТО ҳудудига зарба бериши мумкинлиги ҳақида огоҳлантирмоқда.

Россия президенти Владимир Путин 2024 йил март ойида НАТО аъзосига ҳужум қилиш буйруғини бериши ҳақидаги айбловларни рад этди.

"Уларнинг Украинадан кейин Европага ҳужум қилиш ниятимиз борлигига оид баёнотлари мутлақо бемаъни," деди Путин ва Вашингтоннинг мудофаа бюджети Москваникидан 10 баробар кўп эканлигини қўшимча қилди. "Шуни ҳисобга олиб, биз НАТОга қарши уруш бошлаймизми? Бу сафсата."