Россия британиялик дипломатни чиқариб юборди

Россия Федерал хавфсизлик хизмати (ФСБ) британиялик дипломатнинг мамлакатдан чиқариб юборилгани ҳақида хабар берди. Махсус хизмат маълумотларига кўра, у Россияда разведка-қўзғатув ишларини олиб борган.

ФСБнинг таъкидлашича, Буюк Британиянинг Москвадаги элчихонаси сиёсий бўлимининг иккинчи котиби Уилкс Эдвард Праёр август ойида Россиядан юборилган олти британиялик разведкачидан бирининг ҳимоясини алмаштириб, мамлакатга кириш учун рухсатнома олишда ёлғон маълумотларни кўрсатган.

Шунингдек, махсус хизматнинг таъкидлашича, британиялик дипломатнинг ҳаракатларида "Россия Федерацияси хавфсизлигига таҳдид солувчи разведка ва қўпорувчилик ишлари аломатлари аниқланган." Праер аккредитациядан маҳрум қилинди, унга яқин икки ҳафта ичида Россияни тарк этиш буюрилди.

Буюк Британия расмийлари Россия томонининг баёнотларига ҳозирча изоҳ бермади. Россия Ташқи ишлар вазирлигига Буюк Британия элчиси Найжел Кейси чақиртирилди, дея хабар берди вазирлик вакили Мария Захарова.

Аввалроқ Россия Ташқи ишлар вазирлиги Федерал хавфсизлик хизмати тақдим этган "жосуслик ва қўпорувчилик фаолияти" ҳақидаги маълумотларга асосланиб, олтита британиялик дипломатни аккредитациядан маҳрум қилган эди.