Россия ҳукумати бензин, дизель ва бошқа турдаги ёнилғи экспортига янги тақиқ жорий этди. Бу ҳақда “РБК” хабар берди.
“Ёнилғи экспортига вақтинчалик тақиқ 1 августдан бошлаб 2027 йил 31 январгача амал қилади. Шу билан бирга, 1 сентябрдан чекловлар ишлаб чиқарувчилар томонидан бевосита Россиядан олиб чиқиладиган дизель, кема ёнилғиси ва газойлларга нисбатан қўлланмайди”, дейилади ҳукумат баёнотида.
Бундан ташқари, халқаро ҳукуматлараро келишувлар ва гуманитар ёрдам доирасида ёнилғи етказиб беришга рухсат берилади. Ҳукумат қишлоқ хўжалиги ишлаб чиқарувчиларини “зарур ҳажмларда” ёнилғи билан таъминлаш бўйича ҳам қарор қабул қилган. Бунинг учун тегишли вазирликлар ва нефть компаниялари ўртасида етказиб беришнинг вақтинча тартиби белгиланди. Ушбу тартиб 1 ноябргача амал қилади.
Аввалроқ Россия бош вазири ўринбосари Александр Новак бензин экспорти тақиқи 2026 йил охиригача узайтирилишини айтганди.
Озарбайжон Эронга жавоб чораларини кўрди
Россия халқини ҳеч қачон енгиб бўлмайди
Эрон Киевга ҳужум қилиши мумкин
