Россиянинг Свердловск областидан Бирлашган Араб Амирликларига 379 килограмм тирик ёмғир чувалчанги юборилди. Бу ҳақда Росселхознадзорнинг минтақавий бўлинмаси матбуот хизмати хабар берди.
Қайд этилишича, чувалчанглар БААга тупроқ сифати ва унумдорлигини ошириш, биогумус ишлаб чиқариш учун керак.
Чувалчанглар органик чиқиндиларни вермикомпостга айлантиради, унинг таркибида эса 1,5 фоизгача азот, 0,5 фоиз фосфор ва 0,5 фоиз калий, шунингдек, ўсимликлар ўсиши учун зарур бўлган микроэлементлар мавжуд.
Маълумотларга кўра, чувалчанглар Екатеринбургдаги вермифермада (озиқ-овқат чиқиндиларини ўсимликлар учун махсус ўғит — биогумусга айлантириш учун махсус ёпиқ идишлар) кўпайтирилган. Юк тегишли ветеринария ҳужжатлари билан биргаликда жўнатилган.
Таъкидланишича, ёмғир чувалчангларини кўпайтириш — даромадли бизнес йўналиш ҳисобланади. Уларни тирик ҳолатда нафақат қишлоқ хўжалиги мақсадларида, балки балиқлар учун озуқа сифатида ҳам харид қилишади. Айрим давлатларда эса чувалчанглардан фармацевтика мақсадида фойдаланади.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Истанбулдаги музокарада Россия Украинага бешта шарт қўйди
