"КамАЗ" заводи Ўзбекистондан ишчиларни жалб қилишда давом этади
Тошкентда Россия автомобил корхонаси ва Ўзбекистон Ташқи меҳнат миграцияси агентлиги раҳбарларининг учрашув бўлиб ўтди. Унда ҳамкорликни давом эттириш тўғрисида келишиб олинди.
“КамАЗ” 2021 йилдан бошлаб ўз корхоналарида ишлаш учун хорижий фуқароларни жалб қилишни бошлади. Улар орасида 450 нафар ўзбекистонлик.
Кейинроқ автомобилсозлик корхонаси раҳбарияти Ўзбекистондан ҳам кўпроқ ишчиларни жалб этишини маълум қилди.
