Россия армияси Донецк вилоятидаги Мураўка қишлоғини назоратга олди

Россия Мудофаа вазирлиги маълум қилишича, Донецк вилоятида жойлашган Мураўка қишлоғи “Марказ” кучлар гуруҳи томонидан назоратга олинган. Вазирлик хабарига кўра, бу “фаол ҳужумкор ҳаракатлар” натижасида амалга оширилган.

Расмий маълумотларда қайд этилишича, ўтган ҳафта давомида “Шарқ” кучлар гуруҳи ҳам бир қатор йўналишларда олға силжиб, Днепропетровск вилоятидаги Новониколаевка, шунингдек, Запорожье вилоятидаги Олговске ва Новоиванивка қишлоқларини эгаллаган.

Шунингдек, вазирликнинг таъкидлашича, Россия ҳаво мудофаа тизимлари ўтган ҳафтада АҚШ ишлаб чиқарган HIMARS ракеталари ва бошқарилувчи ҳаво бомбаларини йўқ қилган.

Ведомство хабарида уруш бошланганидан бери йўқ қилинган ҳарбий техника ва дронлар сони ҳақида ҳам маълумот берилган.