Россия 7-9 июн кунлари Украина билан асирлар алмашинувини бошлашга тайёр

Бу ҳақда Истанбулдаги музокараларда Россия делегациясига раҳбарлик қилган Владимир Мединский маълум қилди.

"Украинада ҳалок бўлган россиялик аскарларнинг жасадлари бўлиши мумкин, аммо улар анча кам, Россия уларни қабул қилишга тайёр", — дея қўшимча қилди Мединский.

Бундан ташқари, унинг сўзларига кўра, Истанбулдаги музокараларда Россия фронтнинг айрим қисмларида 2-3 кунлик гуманитар танаффус жорий этишни таклиф қилган.

"Таклиф аввалига қўллаб-қувватланди, аммо 2-3 соатдан кейин Зеленский бу келишувдан воз кечди. Шундай бўлса-да биз бундай “гуманитар танаффус” қилишга тайёрмиз", – дея аниқлик киритди сиёсатчи.

Шунингдек, Мединскийнинг маълум қилишича, Украина Истанбулда икки банддан иборат таклиф билдирган бўлиб, у 30 ёки 60 кунлик ўт очишни тўхтатиш ва бу муддатдан давлат раҳбарлари даражасидаги саммитни ташкил этиш учун фойдаланишни ўз ичига олади.