Роскомнадзор Россияда Viber мессенжери блоклангани ҳақида хабар берди. Агентлик буни “Россия қонунчилигининг мессенжердан террористик ва экстремистик мақсадларда фойдаланиш, уларни содир этишга жалб қилиш, гиёҳванд моддаларни сотиш таҳдидларининг олдини олиш учун зарур бўлган ахборотни тарқатиш ташкилотчиларига қўйиладиган талабларни бузиш, шунингдек, ноқонуний маълумотларни жойлаштириш", билан асослади.
Viber мессенжери Япониянинг Rakuten компаниясига тегишли. Mediascope маълумотларига кўра, Россия аҳолисининг ўртача 26 фоизи ушбу мессенжердан фойдаланади.
