Роналдунинг ўғли Португалия U-16 терма жамоасига чақирилди

Саудия Арабистонининг «Ан Наср» клуби ҳужумчиси Криштиану Роналдунинг ўғли Криштиану Жуниор илк бор Португалия U-16 ёшлар терма жамоасига чақирув олди.

15 ёшли футболчи Анталияда ўтказиладиган Федерациялар кубогида иштирок этади. Португалия ушбу турнирда Туркия, Англия ва Уэльс терма жамоаларига қарши майдонга тушади.

Роналду Жуниор аввалроқ Португалия U-15 жамоасига ҳам чақирилган эди. У май ойида Хорватияга қарши ўртоқлик ўйинида ўзининг дебют голини урган эди.