Саудия Арабистонининг "Ан-Наср" клуби ҳужумчиси Криштиану Роналду келажакда яна "Манчестер Юнайтед"га қайтиши мумкин. Бироқ бу сафар у футболчи сифатида эмас, балки бошқа вазифада фаолият юритиши эҳтимолдан холи эмас.
Бундай фикрни Манчестер клубининг жисмоний тайёргарлик бўйича собиқ мураббийи Мик Клегг билдирди.
Унинг фикрича, португалиялик юлдуз футболчилик фаолиятини якунлаганидан сўнг мураббийлик ёки клуб бошқаруви билан шуғулланиши мумкин.
"Ўйлашимча, Роналдуга "Манчестер Юнайтед"да мураббий бўлиш ёки клуб эгасига айланиш ғояси ёққан бўларди.
Бу унинг табиатига хос хусусият. Криштиану доимо келажак ҳақида ўйлайди ва янги режалар тузади", — деди Клегг.
Эслатиб ўтамиз, Криштиану Роналду "Манчестер Юнайтед" сафида икки даврда тўп сурган.
У дастлаб 2003–2009 йилларда "қизил иблислар" шарафини ҳимоя қилган. Кейинчалик 2021 йилда Манчестерга қайтиб, 2022 йилгача жамоада фаолият юритган.
Роналду тен Хагнинг танқидига кескин жавоб қайтарди
Испаниядаги фожиали ўлим Роналдуни ҳам ларзага солди
"Реал" Чемпионлар лигасида ҳеч бир клуб уддалай олмаган рекордни ўрнатди
