Италия бош вазири Жоржа Мелони Европа Иттифоқини Украинадаги урушни тугатиш бўйича Владимир Путин билан музокараларда Европа номидан ким чиқиш қилишини ва у қандай ваколатларга эга бўлишини аниқ белгилаб олишга чақирди. Европа Кенгаши раиси Антониу Коштага йўлланган мактубда у ЕИ «ягона ва нуфузли овозда гапириши» зарурлигини таъкидлади.
Мелонининг огоҳлантиришича, ягона вакил ва аниқ музокара мандати бўлмаса, Европа тинчлик жараёнида че четда қолиб кетиш ва «ўз аҳамиятини йўқотиш» хавфи остида қолади. Кошта бу масалани Европа етакчиларининг Дублиндаги саммитида муҳокама қилишга ваъда берган.
BILD ва бир қатор Европа ОАВларининг хабар беришича, асосий даъвогарлардан бири сифатида Антониу Коштанинг ўзи кўрилмоқда. Бошқа эҳтимолий номзодлар орасида Дональд Трамп, Владимир Зеленский ва Путин билан алоқаларни сақлаб турувчи Финляндия президенти Александр Стубб, шунингдек, Италиянинг собиқ бош вазири ҳамда Европа Марказий банкининг собиқ раҳбари Марио Драги ҳам тилга олинмоқда.
Бундан ташқари, потенциал музокарачилар қаторида Еврокомиссия раиси Урсула фон дер Ляйен, Германия канцлери Фридрих Мерц ва Франция президенти Эммануэль Макрон номзодлари ҳам кўриб чиқилмоқда.
"Майли мени ўлдиришсин. Лекин... "
Актриса Нилуфар Ҳамидова 7 суткага қамалди
Ўзбекистонда кескин совуқ ва кучли ёғингарчилик кутилмоқда
