Роналдуга нима илҳом бериб турибди?

39 ёшида Криштиану Роналду голларга чанқоқлигича қолмоқда.

Душанба куни португалиялик форвард “Ал-Гарафа”га қарши ўйинда дубл қайд этиб, “Ан-Наср”нинг ОЧЛда 3:1 ҳисобида ғалаба қозонишига ёрдам берди.

Ўйиндан кейин Роналду бу унга футболга бўлган иштиёқини сақлаб қолишга ёрдам беришини айтди.

“Мухлислар борлиги ва уларнинг қувончи, айниқса болалар, менинг иштиёқимни сақлаб туради. Жамоамизда турли ёшдаги мухлислар кўп.

Гол уриб, уларни хурсанд қилганимдан жуда мамнунман”, - деди Роналду журналистларга.