Роналду яна бир ҳашаматли уй сотиб олди (фото)

"Ан-Наср" ва Португалия терма жамоаси ҳужумчиси Криштиану Роналдунинг севгилиси Жоржина Родригес янги уйи суратини ижтимоий тармоққа жойлаштирди.

Маълумки, Роналду ва Жоржина Саудия Арабистони пойтахти Ар-Риёдда ҳашаматли уйга эгалик қилишган, қўшни давлат Баҳрайнда эса яна бир ҳашаматли уйлари бор. Бироқ, Жоржина ажойиб фотосурат орқали янги уй сотиб олганликларини эълон қилди.

Родригес ижтимоий тармоқдаги суратга “Янги ширин уйим”, деб ёзди. Бу мулк Ар-Риёдда жойлашган.