Роналду 1000 та голлик марраган яна бир қадам яқинлашди

Футбол бўйича Саудия Про Лигасининг 5-турида “Ан-Наср” “Ал-Ваҳда”ни ишончли ҳисобда мағлуб этди.

Ар-Риёд клуби ҳужумчиси Криштиану Роналду 56-дақиқада пенальтидан гол урди.

Португалиялик футболчи фаолиятидаги 903-голига ва клублар миқёсида 771-голига муаллифлик қилди.

Роналду “Ан-Наср” сафидаги 17-пенальтисини ҳам аниқ амалга оширди. Бутун фаолияти давомида Криш 196 та пенальти тепган ва уларнинг 166 таси дарвозадан жой олган.

Жорий мавсумда 39 ёшли форвард клуб ва терма жамоада 9 та ўйин ўтказиб, 8 та голга муаллифлик қилди. Чемпионатда эса голлари сонини 4 тага етказди ва тўпурарлар рўйхатида 3-ўринда бормоқда. Фақатгина Карим Бензема (“Ал-Иттиҳод”, 5 та гол) ва Александар Митрович (“Ал-Ҳилол”, 8 та гол) ундан олдинда.