Германия мудофаа вазири Борис Писториус Украина собиқ мудофаа вазири Михаил Фёдоровга мактуб йўллади. Немис журналистлари мазкур хат мазмунини Владимир Зеленскийга нисбатан яширин танбеҳ сифатида баҳолашди.
Бу ҳақда RND таҳририятлар бирлашмаси хабар бермоқда.
Журналистлар қўлига келиб тушган мактубда Писториус Фёдоровга биргаликдаги иш учун миннатдорлик билдирган ва унинг лавозимидан кетиши муносабати билан афсусда эканини изҳор қилган.
«Сенинг ўз ишингни давом эттира олмаётганингдан жуда афсусдаман ва келажакда ҳам сиёсий жиҳатдан фаол бўлишингга умид қиламан», — дейилади мактубда.
RND баҳосига кўра, бундай ифода «ноодатий даражада очиқ-ойдин» ҳисобланади.
Нашр муаллифларининг фикрича, буни Зеленскийга нисбатан билдирилган яширин танқид сифатида қабул қилиш мумкин, чунки Германия расмийлари одатда хорижий ҳукуматлардаги кадрлар ўзгаришини ўша давлатларнинг ички иши деб билади.
Олимлар Ер аҳолиси сонини босқичма-босқич камайтириш ғоясини илгари сурди
"Ҳей, деди, Трампингни гапигаям..., деди" - Нетаньяху Трампнинг чақириғига қарамай, Ғазога ҳужумларни тўхтатишдан бош тортди
Илон Маск Украинага Россиянинг ичкарисига зарба бериш учун Starlink тақдим этишдан бош тортди
