Ҳарбий техника ишлаб чиқарувчи Rheinmetall концерни Украина учун янги танклар тайёрламоқда.
Rheinmetall концерни OIP Land Systems компаниясидан 50 та эски Leopard 1 танкларини олади. Handelsbkatt нашрининг ёзишича, бундай битим Германия ҳукумати томонидан тузилган.
Аввалроқ OIP Land Systems бош директори Фредди Верслуйс The Guardian нашрига компания Европа ҳукуматларидан бирига 49 та танк сотгани ҳақида маълум қилганди: у махфийлик шартлари туфайли битим суммаси ва уни тузган давлат номини ошкор қилмаган эди. Верслуйснинг сўзларига кўра, сотилган танклар фронтга етиб бориши учун 6 ойгача вақт кетиши мумкин.
Rheinmetall концерни вакилларининг таъкидлашича, мутахассисларга эски танкларни жанговар ҳаракатларга мослаштириш учун ҳақиқатан ҳам вақт керак бўлади. Leopard 1 Бундесвер томонидан 1965 йилдан 2003 йилгача ишлатилган, шундан сўнг ушбу танк ўрнини Leopard 2 эгаллади.
Ҳозирда сотиб олинган танклар Rheinmetall корхоналарида модеринизация қилинмоқда ва қайта жиҳозланмоқда. Шунингдек, маълум қилинишича, баъзи танклар аянчли ҳолатда ва фақат эҳтиёт қисмлар учун донорликка ярайди. Ҳисоб-китобларга кўра, модернизация ва қайта жиҳозлаш ишлари якунланганидан сўнг 50 та танкдан 30 га яқини Украинага юборилиши керак.
