"Трамп маъмурияти мамлакатни тарк этиш тўғрисида буйруқ олган, бироқ шунга қарамай Қўшма Штатларда қолаётган хорижий давлат фуқароларини жаримага тортишни режалаштирмоқда", дея хабар дея хабар бермоқда агентлик тегишли ҳужжатларга асосланиб.
Жарима миқдори кунига 998 долларни ташкил этиши кўзда тутилмоқда. Шунингдек, бу жарималар ретроспектив бўлади, яъни мамлакатни тарк этиш буйруғи берилганига беш йил бўлганларга нисбатан қўлланади, бундай ҳолларда жарима миқдори 1 миллион долларгача етиши мумкин.
Жаримани ундириш учун турли усулларни қўллаш, жумладан, Қўшма Штатларни тарк этиш буйруғи берилган чет элликларга тегишли кўчмас мулк мусодара қилиниши ҳам режалаштирилган.
Reuters'нинг ёзишича, бу каби чораларни қўллашга 1996 йилда қабул қилинган тегишли қонун имкон беради, Трамп маъмурияти бу қонунга 2018 йилда, унинг биринчи президентлик муддатида ҳам таяниб иш тутган эди. Трампдан кейин АҚШ президенти лавозимини эгаллаган Жо Байден эса ҳукумат буйруғига қарамай мамлакатни тарк этмаган мигрантларга нисбатан жарима амалиётини бекор қилганди.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
АҚШ Украинани бутунлай тарк этмоқда
Исроил самолётлари хатолик билан яҳудийлар яшаш пунктини бомбардимон қилди
