Олтин нархи яна рекорд ўрнатди ва 3100 доллардан ошди, деб хабар беради Reuters.
Душанба куни олтин нархи бир унция учун 3106,50 долларни ташкил этиб, рекорд даражага етди.
АҚШ президенти Дональд Трампнинг тарифлари ва потенциал иқтисодий таназзул ҳамда геосиёсий беқарорлик билан боғлиқ хавотирлар ушбу активга инвестицияларнинг янги тўлқинини келтириб чиқарди, дея хабар беради Reuters.
Олтин йил бошидан буён 18 фоиздан кўпроққа ошган. Шу ой бошида нарх биринчи марта унция учун 3000 доллардан ошди. Мутахассислар буни иқтисодий беқарорлик, геосиёсий кескинлик ва инфляция билан боғлиқ хавотирларнинг кучайиши билан изоҳламоқда.
Бундан ташқари, олтин нархининг ошиши қатор банкларни ўз прогнозларини оширишга ундади.
Goldman Sachs, Bank of America ва UBS бу ой олтин нархини кўтарди.
Goldmanнинг тахминига кўра, йил охиригача нарх бир унция учун 3300 долларга етади, бу аввалги прогноз 3100 доллардан ошади. Bank of America 2025 йилда нарх унция учун 3063 доллар ва 2026 йилда 3350 доллар бўлишини тахмин қилмоқда, унинг аввалги тахминлари 2750 ва 2625 доллар бўлган эди.
Трамп лавозимга киришганидан бери Америка саноатини ҳимоя қилиш ва савдо камомадини камайтириш учун янги тарифларни жорий этиш режаларини илгари сурди.
У 2 апрель куни жавоб тарифларининг янги пакетини эълон қилиши кутилмоқда, деб хабар бермоқда Reuters.
🔴 БАА судидан шов-шувли қарор: ўзбекистонликлар ўлимга ҳукм қилинди!
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
