"Реал" юлдуз ярим ҳимоячисини янги шартнома билан тақдирламоқчи

Мадриднинг "Реал" клуби ярим ҳимоячиси Жуд Беллингем яқин келажакда клуб билан янги шартнома имзолаши мумкин.

Инглизнинг амалдаги келишуви фақат 2029 йилда ўз ниҳоясига етади, аммо "қаймоқранглилар" раҳбарияти хавбекни ажойиб ўйини учун шартлари яхшиланган битим билан тақдирлаши мумкин. «Diario AS» хабарига кўра, 21 ёшли футболчининг агентлари аллақачон "қироллик клуби" вакиллари билан шартномани узайтириш масаласини муҳокама қилмоқда.

Жуд Беллингем 2023 йилнинг ёзида "Боруссия" Дортмунддан 100 миллион евродан кўпроқ маблағ эвазига "Реал"га ўтганди.