Мадриднинг «Реал» ва Франциянинг «Марсель» жамоаси мухлислари Чемпионлар лигаси 2025/2026 йилги мавсуми умумий босқичи 1-тур учрашуви олдидан «Сантьяго Бернабеу» стадиони ёнида жанглашиб кетишди. Жанжалга Испания ҳуқуқ-тартибот органлари ходимлари, жумладан, отлиқ полиция бўлинмалари аралашди.
Ўтган мавсумда Испания гранди «Реал» мусобақанинг чорак финалига қадар етиб борди ва икки ўйин натижаларига кўра Лондоннинг «Арсенал» жамоасига 1:5 ҳисобида мағлуб бўлди. «Марсель» эса 2024/2025 йилги мавсумда еврокубокларда иштирок этмаган.
Жорий мавсум финали 2026 йил 30 май куни Будапештдаги «Пушкаш Арена» стадионида ўтказилади.
