"Реал" сафида фақатгина 1 футболчи "эл-класико"ни ўтказиб юборади

Мадриднинг "Реал" клуби таркибида кимлар "Барселона"га қарши ўйинда иштирок эта олмаслиги маълум бўлди.

Diario Sport хабарига кўра, "Реал"нинг германиялик ҳимоячиси Антонио Рюдигер ойнинг охирида "эл-класико"да ўйнамайдиган ягона футболчи ҳисобланади. Қолган барча футболчилар каталонияликлар билан баҳсга тикланиши кутилмоқда.

"Реал" ва "Барселона"нинг 2025/26 йилги мавсумдаги илк тўқнашуви 26 октябрь куни бўлиб ўтади. Жамоалар Испания Ла Лигасининг 10-тури доирасида майдонга тушади.

Эслатиб ўтамиз, "Реал" сўнгги 5 ўйинда "Барселона"га мағлуб бўлган.