«Реал» президенти «Мальорка»дан учралган мағлубиятга кескин муносабат билдирди

Шанба куни «Реал» сафарда «Мальорка»га 1:2 ҳисобида имкониятни бой берди. Орадан бир неча соат ўтгач, «қаймоқранглилар»нинг Ла Лига пешқадами «Барселона»дан ортда қолиши етти очкога етди.

Goal порталининг Испаниядаги манбаларига таяниб хабар беришича, «Реал» президенти Флорентино Перес жамоанинг мағлубиятидан сўнг ғазабга келган. У стадионда бўлмаган, бироқ кейинроқ Мадрид клубининг ўйинидан норозилигини билдирган.

Манбалар Перес томонидан айтилгани иддао қилинаётган сўзларни келтирмоқда: «Мавсумнинг қолган қисмида бундай шармандали ўйинни такрорлай олмаймиз. Сешанба куни кучли ўйин кўрсатиб, ўз даражамизни исботлашимиз керак».

7 апрель куни «Реал» Чемпионлар лигаси 1/4 финали доирасида «Бавария»ни қабул қилади.