"Реал" "Олтин тўп" соҳибига бўлган қизиқишини қайта тиклади

"Реал" клуби таркибни кучайтириш мақсадида бозорни ўрганмоқда. Transfer News Live нашрининг TEAMtalk га таяниб хабар беришича, Родрининг "Манчестер Сити" билан шартномаси якунланиши яқинлашгани сайин "қаймоқранглилар"нинг ярим ҳимоячига бўлган қизиқиши ортиб бормоқда.

Қайд этилишича, "Реал" шу ёзда Родрини қўлга киритиш учун жиддий қадам ташлашга тайёр. Родрининг "Манчестер Сити" билан амалдаги шартномаси 2026/2027 йилги мавсум якунигача мўлжалланган.

Нуфузли Transfermarkt портали мутахассислари Родрини 75 миллион еврога баҳоламоқда. Келаётган ёзда хавбек 30 ёшни қарши олади. Эслатиб ўтамиз, 2024 йилда Родри "Олтин тўп"ни қўлга киритган эди, ўшанда "Реал" бу қарордан норози бўлганди.