"Реал"нинг янги тўпурари ўзининг кумири ким эканлигини айтди

Мадриднинг "Реал" клуби ҳужумчиси Гонсало Гарсия клублар ўртасидаги жаҳон чемпионатида ҳақиқий кашфиётга айланди.

21 ёшли футболчи янги бош мураббий Хаби Алонсо қўл остида КЎЖЧдаги тўртта ўйинда учта гол ва самарали узатмани амалга оширди.

Сешанба куни ёш испаниялик яна қаҳрамонга айланди: айнан у "Ювентус"га қарши 1/8 финал ўйинида ягона гол муаллифи бўлди.

"Менинг асосий кумирим - Криштиану Роналду. Мен доим шундай деганман. Менинг кумирларим кўп, лекин улардан бирини танлаш керак бўлса, мен ҳар доим CR7'ни айтаман," - дея Гарсиянинг ўйиндан кейинги интервьюсидан иқтибос келтиради Madrid Zone.