Мадриднинг "Реал" жамоаси ярим ҳимоячиси Эдуарду Камавинга ўзининг ижтимоий тармоқдаги саҳифасида Чемпионлар лигаси чорак финали доирасида бўлиб ўтган "Бавария"га қарши ўйиндан (4:3) сўнг мухлисларга мурожаат қилди.
Франциялик футболчи 61-дақиқада захирадан майдонга тушди. 78-дақиқада Камавинга биринчи сариқ карточкани олган бўлса, 86-дақиқада иккинчи сариқ карточкаси учун майдондан четлатилди. Унинг четлатилишидан сўнг “қаймоқранглар” икки гол ўтказиб юборди.
«Ўз айбим учун жавобгарликни ўз зиммамга оламан. Жамоамиз ва "Реал Мадрид" мухлисларидан узр сўрайман. Қўллаб-қувватлаганингиз учун раҳмат», — деб ёзди Эдуарду Камавинга.
Эслатиб ўтамиз, Камавинга рақиб футболчиси Харри Кейнга қарши қоидабузарликдан кейин тўпни олиб, ўйин жойидан узоқлашгани учун иккинчи сариқ карточка билан жазоланган.
Абдуқодир Ҳусановнинг муваффақиятлари ортидан Қозоғистон футболи танқид қилинди
“Реал” юлдузларни жиловлайдиган мураббий топди
«Реал» ўз собиқ футболчиси вафот этганини маълум қилди
