Россиянинг Владикавказ шаҳрида чиқинди юклаш жараёнида юз берган портлаш оқибатида Ўзбекистон фуқароси ҳалок бўлди. Бу ҳақда Известия газетаси хабар бермоқда.
Ҳодиса 17 апрель куни шаҳар марказидаги "Интернатсиональная" кўчаси ва "Партизанский" тор кўчаси кесишган ҳудудда содир бўлган. Портлаш вақтида 46 ёшли эркак воқеа жойида ҳаётдан кўз юмган.
Марҳумнинг ҳамкасблари унинг оилали бўлиб, беш нафар фарзанди борлигини маълум қилган.
Ҳозирда ҳудудда тезкор хизматлар ва ҳуқуқ-тартибот органлари иш олиб бормоқда. Воқеа сабаблари чуқур ўрганилмоқда. Россия тергов қўмитаси томонидан эҳтиётсизлик оқибатида ўлимга сабаб бўлиш моддасига асосан жиноят иши қўзғатилган.
Дастлабки тахминларга кўра, портлаш чиқинди ичида бўлган хавфли ёки портловчи буюм сабаб юзага келган бўлиши мумкин. Махсус хизматлар чиқинди ташувчи техникани текшириб, уни кейинчалик махсус полигонга олиб чиқишни режалаштирмоқда.
Шимолий Осетия–Алания раҳбари Сергей Меняйло аҳолини хавфли буюмларни оддий чиқинди контейнерларига ташламасликка, уларни махсус хизматлар орқали топширишга чақирган.
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
Лионель Месси Каталония клубини сотиб олди
Хитой АҚШни огоҳлантирди
