"Реал"нинг бу қилган иши Мбаппени ранжитди

"Реал" таркиби келаси ёзда Ибраима Конате билан тўлдирилиши мумкинлиги айтилганди. Бир кун аввал бир нечта нуфузли журналистлар мадридликлар "Ливерпуль" ҳимоячиси номзодидан воз кечгани ҳақида хабар тарқатган эди.

Defensa Central хабарига кўра, "Реал"нинг бу трансфер қарори Килиан Мбаппени ранжитган. У Конате билан Франция терма жамоаси қароргоҳида "Реал" ҳақида кўп гаплашган.

"Бу унинг учун ёмон хабар. Ишончим комилки, у бу ерда катта завқ олган бўларди," - дея Мбаппенинг фикрларини келтиради манба.

26 ёшли Конатенинг "Ливерпуль" билан амалдаги шартномаси 2026 йилнинг ярмигача мўлжалланган. Агар шартнома узайтирилмаса, ёзда французни эркин агент сифатида қўлга киритиш мумкин бўлади.