"Реал" Мбаппе дубль қайд этган ўйинда "Сельта"ни мағлуб этди

"Реал" ўз майдонида Испания Ла Лигасининг 34-турида "Сельта"ни мағлуб этди - 3:2.

Мадридликлар сафида Килиан Мбаппе дублни расмийлаштирди. 39 ва 48-дақиқаларда француз гол урди. Арда Гюлер (33-дақиқа) ўз ҳисобига гол ва ассист ёздириб қўйди.

Мадридликлар ўйин давомида 3:0 ҳисобида олдинда бораётганди, бироқ Хави Родригес (69) ва Виллиотт Сведбергнинг (76) голларидан кейин ғалабани бой бериб қўйишига бир бахя қолди.

"Реал" (75 очко) Ла Лигада 2-ўринда бормоқда. Карло Анчелотти жамоаси пешқадам "Барселона"дан 4 очко ортда қолмоқда. "Сельта" (46) турнир жадвалида еттинчи ўринда бормоқда.