"Реал" клуби клублар ўртасидаги жаҳон чемпионатини катта фойда билан якунлади

Мадриднинг "Реал" клуби клублар ўртасидаги жаҳон чемпионатини катта фойда билан якунлади.

Хаби Алонсо жамоаси ярим финалга қадар етиб бориб, "Пари Сен-Жермен"га йирик ҳисобда ютқазди (0:4). "Қаймоқранглилар" совринни қўлга кирита олмади, аммо иқтисодий жиҳатдан КЎЖЧ мадридликларга фойда келтирди: Madrid Zone хабарига кўра, умумий ҳисобда клуб эришилган ютуқлар учун тахминан 93 миллион доллар (деярли 80 миллион евро) мукофот пули ишлаб олди.

Клублар ўртасидаги жаҳон чемпионати финалида "ПСЖ" ва Лондоннинг "Челси" клублари беллашади. Ҳал қилувчи ўйин 13 июль, якшанба куни бўлиб ўтади.