"Реал" Жозе Моуриньога қатъий ультиматум қўйди

Мадриднинг "Реал" клуби Жозе Моуриньога қатъий ультиматум қўйди. Мутахассис яқин вақт ичида ишдан бўшатилиши мумкин. Бу ҳақда TEAMtalk портали хабар бермоқда.

"Реал" президенти Флорентино Перес Моуриньога мавжуд вазиятни тўғрилаш учун иккита ўйин муҳлат берди. Агар "қаймоқранглилар" Чемпионлар лигасида "Лейпциг"га ва Испания Ла Лигасида "Барселона"га мағлуб бўлса, Жозе ишдан бўшатилади.

Аввалроқ "Реал" раҳбарияти Моуриньонинг ишидан норози экани ҳақида хабарлар тарқалганди. Клуб мутасаддилари мураббийга, жумладан, трансферлар масаласида ҳам катта эркинлик беришган. Шу сабабли улар жамоа натижаларидаги ижобий ўзгаришларни дарҳол кўришни кутган.