«Реал» ҳимоячисига янги даъвогар пайдо бўлди

Манбалар хабарига кўра, «Реал Мадрид»нинг австриялик ҳимоячиси Давид Алаба ёзда жамоасини ўзгартиради.

Мадридликлар футболчига янги шартнома таклиф қилмасликка қарор қилган. Маълумотларга кўра, Алаба Бундеслигага қайтиши мумкин. Унга «Ҳоффенҳайм» клуби қизиқиш билдирган. Футболчининг тахминий бозор қиймати — 4 миллион евро.

Давид Алаба «Реал» сафида Ла Лигада 76 та учрашувда майдонга тушган. У шу ўйинларда 3 та гол урган ва 7 та голли пас берган.