Расман: «Реал» собиқ футболчиси Бундеслигага кўчиб ўтди

«Байер» клуби Лукас Васкеснинг трансферини эълон қилди.

Испаниялик 34 ёшли ҳимоячи «доришунослар» билан икки йиллик шартнома имзолаган.

Футболчи немис клуби сафида 21-рақам остида тўп тепади.

Васкес ҳозиргача фаолиятини деярли «Реал»да ўтказган ва фақат 2014/15 йилги мавсумда «Эспанёл»да ҳаракат қилган. Мадрид клуби билан 23та соврин ютган.

Ҳимоячи ўтган мавсумда Ла Лигада 32 та баҳсда майдонга тушиб, 1 та гол ва 5 та ассистни ўз ҳисобига ёздириб қўйган.