Чеченистон раҳбари Рамзан Қодиров грузиялик журналистни ўлдириш учун фитна уюштирилгани ҳақидаги хабарларни рад этди.
Маҳаллий матбуотнинг хабар беришича, душанба куни Грузия давлат хавфсизлиги томонидан ҳибсга олинган россиялик бир эркак жаноб Қодировнинг буйруғи билан телевидение бошловчиси Гиорги Габунияни ўлдиришга юборилган. Ўтган йили журналист жонли эфирда Россия етакчиси Владимир Путинни ҳақорат қилгани катта жанжалга сабаб бўлган эди. Аммо жаноб Қодиров, Габуния ўзининг "душмани" экан, ва у бу қотилликни уюштирмаганини айтди.
"Менга ишонинг, агар кимдир менинг буйруқларим билан ҳаракат қилса, у уларни бажаради", деб ёзди Рамзан Қодиров "Телеграм"даги саҳифасида.
"Гиорги Габуния тиз чўкиб, кечирим сўраши керак эди ... Акс ҳолда у, яна айтаман, менинг душманим бўлиб қолади", дея қўшимча қилди у. Путиннинг содиқ тарафдори Қодиров Россиянинг "хоинлари" ҳақида ҳам гапириб ўтди. Грузия расмийлари бу айбловларга изоҳ беришмаган.
