Рамос «Реал»га ишора қилдими?

38 ёшли ҳимоячи Серхио Рамос Мексиканинг «Монтеррей» жамоасига ўтганидан бери 4 та ўйинда 3 та гол уришни уддалади.

Испаниялик футболчининг голни нишонлашдаги ноодатий ҳаракатлари кўпчиликнинг эътиборини тортмоқда. У 3 та голнинг 2 тасида бу ҳаракатни такрорлади.

Айрим тармоқ фойдланавучилари Рамоснинг голни нишонлашидаги ҳаракатларини эркин агент бўлганида икки бор ўзини «Реал»га таклиф қилгани, аммо рад жавобини олгани, ҳозир эса муҳим голларни уриб уларни нишонлаш орқали собиқ жамоасига ишора қиляпти, дея тахмин қилишмоқда.

Яна бир тахминга кўра, Рамос бу ҳаракатлар орқали у билан Мексикага боришни истамаган рафиқасига жавоб қайтараётган бўлиши мумкин. Маълумотларга кўра Рамоснинг аёли у билан учинчи бор бошқа ерга кўчиб ўтишни хоҳламай, Мадридда қолишни афзал кўрган.