Тошкент вилояти Ўртачирчиқ тумани Тошлоқ маҳалласида 5 июнь куни ёши 40дан ошган эркак қўлга олинди. Маҳаллий аҳолининг маълум қилишича, эркак алдов йўли билан 8 ёшли қизчани ўз уйига олиб келиб зўрлашга уринган пайтда қўлга олинган.
Бош прокуратуранинг хабар беришича, ҳодиса 5 июнь куни содир бўлган. Шу куни мамлакатда Рамазон ҳайити байрам қилинган.
Ёши 40дан ошган эркак 8 ёшли қизчага 100 минг сўм беришини айтиб, уни ўз уйига олиб келган, дейилади хабарда.
8 ёшли қизчанинг отаси ҳуқуқни муҳофаза қилиш органлрагиа берган аризасида қўлга олинган кимсанинг педофил эканини маълум қилган. Ота қизчасини педофилнинг қўлидан Тошлоқ МФЙда яшовчи фуқаро қутқариб олганини айтган.
Тошлоқ маҳалласи фаолларидан бири Абдуқаҳҳор аканинг айтишича, маҳалла ишчилар қўлга олинган эркакни калтакламоқчи бўлган маҳаллий аҳолининг қўлидан қутқариб олган ва ҳуқуқни муҳофаза қилиш органларига топширган.
Педофилликда гумонланаётган кимсани қўлга олиш пайтида олинган видеода эёл кишининг "Сенга ўхшаган ҳайвонларни ўлдириш керак!" дебд бақиргани ёзиб олинган.
8 ёшли қизчанинг отаси ҳуқуқни муҳофаза қилиш органларига вояга етмаган фарзандига зўрлик ишлатмоқчи бўлган эркакка жиноят иши очишларини сўраб мурожаат қилган. Айни пайтда воқеа юзасидан суриштириш ишлари олиб борилмоқда. Аммо, қайд этиш лозимки, Ўзбекистон қонунчилигида педофиллик учун махсус модда учрамайди.
ca.news.org
