Яқинда «Барселона» спорт директори Деку Рафинья билан шартномани узайтириш бўйича келишув борлигини айтган эди. Бироқ бразилиялик вингер ҳали ҳам каталонияликлар билан янги шартнома имзоламади.
El Nacional нашрининг ёзишича, «Барселона» Рафинья билан келишувни узайтириш осон кечади, деб ўйлаган бўлса, хато қилган.
Манбага кўра, тўртта клуб 29 ёшли футболчига «Барселона»дан анча юқори маош таклиф қилишга тайёр. Улар — «Манчестер Юнайтед», «Арсенал», «Челси» ва «Ал-Ҳилол».
Ушбу клублар Рафиньяни қўлга киритиш имконияти пайдо бўлса, трансферни амалга ошириш учун фаол ҳаракат қилишга тайёр.
Шунга қарамай, Рафиньянинг ўзи «Барселона»да қолишни истамоқда. Жамоа бош мураббийи Ханс-Дитер Флик ҳам бразилиялик футболчи эртами-кечми янги шартнома имзолашига ишонмоқда.
Жоан Лапорта ва Деку бу масалани яқин бир ой ичида ҳал қилишни режалаштирган.
Эрон устидан ғалаба Ўзбекистонни ФИФА рейтингида юқорига кўтарди
«Манчестер Сити» футболдан бутунлай четлатилиши ҳам мумкин
Ўзбекистон - Сурия ўйини «Пахтакор» стадионида ўтказилади
