Эрон устидан қозонилган ғалаба Ўзбекистон миллий терма жамоасига ФИФАнинг live-рейтингида ҳам фойда келтирди.
Фабио Каннаваро бошчилигидаги жамоа Фарғонадаги ўртоқлик баҳсида Эронни 3:1 ҳисобида мағлуб этгач, ўз ҳисобига 6,83 рейтинг очкосини қўшиб олди.
Натижада Ўзбекистоннинг умумий кўрсаткичи 1416,56 очкога етди ва терма жамоа жаҳон рейтингида 59-поғонага кўтарилди.
Шу тариқа, "оқ бўрилар" 1411,06 очкога эга Қатарни ортда қолдирди. Қатар терма жамоаси эса 60-ўринга тушди.
Ўзбекистон 2026 йилги жаҳон чемпионатидаги дебют иштирокидан кейин рейтингда 60-поғонага тушиб, кучли 50 таликдан ташқарида қолган эди. Эронга қарши ғалаба эса жамоага яна бир қадам юқорилаш имконини берди.
Каннаваро шогирдларини олдинда яна икки назорат учрашуви кутиб турибди. Ўзбекистон 1 октябрь куни Тошкентда Сурияни қабул қилади, 6 октябрь куни эса Жанубий Корея меҳмони бўлади.
Ушбу баҳслар миллий жамоанинг Осиё кубоги олдидан тайёргарлик жараёнидаги навбатдаги муҳим синовлардан бири бўлади.
Ўзбекистон терма жамоасига чақирилмаган ТОП-5 футболчи
Мбаппе: "Аввал Роналду менинг кумирим эди, энди эса..."
Суперлигада 22-тур ортда қолди: Барча натижалар ва турнир жадвали
