Қутқарувчилар етиб келиш вақти 5-7 дақиқагача қисқартирилади

Бу ҳақида президент ҳузурида бўлиб ўтган тақдимотда айтиб ўтилди.

Шаҳар ҳудудларида қутқарувчиларнинг етиб келиш вақтини 5-7 дақиқага, шаҳар марказларидан ташқари ҳудудларда эса 15-20 дақиқага тушириш вазифаси қўйилди, дейилади хабарда.

Шунингдек, аҳолиси 250 мингдан ортиқ туман ва шаҳарлардаги 25 та ёнғин-қутқарув қисмини қайта ташкил этиш ва замонавий техника билан таъминлаш режалари ҳақида ахборот берилди.

Ундан ташқари, сув омборларида қутқарув хизматини кенгайтириш зарурлиги ҳам таъкидланди.