Қўшма Штатлар Туркия санкцияларга риоя қилмаса ва Россияга Америка маҳсулотининг айрим турларини етказиб беришни тўхтатмаса, Туркияни SWIFT тизимидан узиб қўйиш билан таҳдид қилди, деди Туркиянинг “Ватан” партияси раиси ўринбосари Хоқон Топкурулу.
Сиёсатчининг “РИА Новости”га айтишича, Туркия бу соҳада Америка босимига бўйсунишга мажбур, чунки у ташқи савдонинг асосий қисмини долларда амалга оширади.
Украинада уруш бошланганидан сўнг, Россия ўз шерикларига миллий валюталарда тўловларга ўтишни таклиф қилди, аммо ҳозирча фақат оз сонли давлатлар бунга рози бўлишган.
