Эрон АҚШ билан уруш "катта эҳтимол билан" қайта бошланишини маълум қилди

Бу ҳақда Fars ахборот агентлиги Теҳрон армияси марказий қўмондонлигининг юқори мартабали мулозими Муҳаммад Жаъфар Асадийнинг баёнотига таяниб хабар бермоқда.

Унга кўра, Вашингтон ва Теҳрон ўртасида ҳарбий ҳаракатларнинг қайта бошланиши "катта эҳтимол" деб баҳоланяпти. Асадий Қўшма Штатларни келишувларга амал қилмасликда айблаб, Эрон қуролли кучлари америкаликларнинг ҳар қандай "янги ҳужумларига" тўлиқ шай эканини билдирди.

Ушбу огоҳлантириш Доналд Трампнинг Теҳрон томонидан воситачи Покистон орқали тақдим этилган янги тинчлик таклифидан қаноатланмагани ҳақидаги сўзларидан кейин пайдо бўлди. Трамп музокараларнинг тўхтаб қолганини Эрон раҳбарияти ичидаги ички келишмовчиликлар билан изоҳлаган эди. Теҳрон томони эса Вашингтоннинг ҳаракатлари ва баёнотларини нефт нархи тушиб кетмаслигига қаратилган сиёсий босим деб атамоқда.