Қозоғистон Республикаси давлат чегарасининг “Жетису” чегара пости ҳудудида Қозоғистон ва Россия чегарасини расмий ўтиш пунктларидан ташқарида кесиб ўтмоқчи бўлган Ўзбекистон фуқароси ушланди. Бу ҳақда Павлодар вилоят суди матбуот хизмати хабар бермоқда.
Маълум қилинишича, аёл давлат чегараси чизиғидан 80 метр масофада, чегара ҳудудида ноқонуний равишда бўлиб, Қозоғистон ва Россия чегарасини расмий ўтиш пунктларидан ташқарида кесиб ўтмоқчи бўлган.
Аёл ушланганда фуқаро Т. айбини тан олувчи кўрсатмалар берган. Унинг айби маъмурий ҳуқуқбузарлик тўғрисидаги баённома ва маъмурий ишнинг бошқа ҳужжатларида қайд этилган фактик маълумотлар билан ҳам тасдиқланган.
Ишни кўриб чиққан Успенский туман суди уни Қозоғистон Республикаси Маъмурий жавобгарлик тўғрисидаги кодексининг 514-моддаси 1-қисми (чет эл фуқаролари ва фуқаролиги бўлмаган шахсларнинг Қозоғистон Республикасида бўлиш қоидаларини бузиш) бўйича айбдор деб топиб, 9 суткалик қамоқ жазосини тайинлаган.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Фарғонада “ёввойи” кимса пайдо бўлгани ростми?
