Автопойгачи Анатолий Кин 16 ёшида бу оламни тарк этди.
Бу ҳақда марҳум иштирок этиб келган Gorilla Drift Kazakhstan автопойга ташкилотчилари хабар берди.
"Павлодар йўлидаги автоҳалокат барчамиз учун фожиа бўлди. Толья, сен орзуинг сари йўл олдинг. Катта хоҳиш-истак ва оиланг, дўстларингнинг қўллаб-қувватлаши билан энг яхшилардан бирига айланиб, юксак чўққиларни забт этдинг. Биз сен билан фахрланамиз. Сен биз учун 16 ёшли Толья сифатида абадий қоласан", - дейилади хабарда.
Воқеа 6 май куни кечқурун содир бўлган.
Анатолий Кин Қозоғистондаги энг ёш дрифтчи саналарди, у бу спортга отаси туфайли кириб келган ва ўз ёш тоифасида турли мусобақалар ғолиби ва совриндори бўлган. Пойгачи Алматидаги мусобақада қатнашиб, Павлодарга уйига қайтаётган эди. ОАВ маълумотларига кўра, Анатолий автоҳалокатга учраган автомобилнинг йўловчиси бўлган. Ҳодисанинг аниқ сабаблари ҳозирча маълум эмас.
Ўзбекистон автоспорт ва картинг федерацияси ҳодиса юзасидан Қозоғистон автоспорт федерациясига ҳамдардлик билдирди.
Майк Тайсон дуч келишни истамайдиган ягона жангчини айтди: «Унга нисбатан ҳеч кимда имконият йўқ»
Бокс бўйича жаҳон чемпиони Салим Абдувалиев билан алоқадорликда айбланди
Марказий банк собиқ раҳбари ҳибсга олинди
